ការតុបតែងមុខឲ្យមានសោភណ្ឌភាពតាមបែបធម្មជាតិ
ធ្វើម៉េចអោយរោមភ្នែកកាន់តែទាក់ទាញ?
សម្រាប់ សុភាពនារីជាច្រើនតែងតែចង់បានរោមភ្នែកដែលក្រាស់ង គួរអោយស្រលាញ់ទាំងអស់គ្នា ដូចនេះក្នុងទំព័រនេះ សប្បាយសូមចែករំឡែកនូវវិធីសាស្ត្រមួយចំនួន ធ្វើអោយភ្នែកទាំងគូររបស់អ្នកស្រស់ស្អាតថែមមួយកម្រិតទៀត និងក្លាយជាទីចាប់អារម្មណ៍របស់អ្នកដទៃ.១. ដំបូងត្រូវមានឧបករណ៍តែងភ្នែក ដូចជា ប្រដាប់ពត់រោមភ្នែក និងម៉ាស្ការ៉ា ដែលមានទាំងប្រភេទការពារទឹក(Water Proof) និងមិនការពារទឹក(Smudge Proof) ។
២. ការ ពត់រោមភ្នែកគឺធ្វើឡើងបី ដំណាក់កាល ដោយពត់បរិវេណគល់ កណ្ដាលនិងកន្ទុយភ្នែកយ៉ាងស្រាលដៃ។ តែបើអ្នកមានរោមភ្នែកខ្លី គួរតែពត់តែគល់និងកន្ទុយភ្នែកបានហើយ។
៣. សម្រាប់ ម៉ាស្ការ៉ាខ្លះ មិនអាចធ្វើអោយរោមភ្នែកអ្នក ង បាន អ្នកត្រូវបញ្ឈរម៉ាស្ការ៉ានោះ ហើយប្រើជក់ខាងចុង ពត់ឡើងទៅលើឆ្វេង ស្ដាំអោយគ្រប់សរសៃ។
៤. សម្រាប់ រោមភ្នែកខាងក្រោម អាចប្រើម៉ាស្ការ៉ាលាបឆ្វេង ស្ដាំ រួចប្រើច្រាសបញ្ឈរ ហើយពត់ម្ដងទៀត ដើម្បីអោយឃើញក្រាស់ង ទាំងរោមភ្នែកខាងលើ និងក្រោម។
៥. ប្រសិន បើចង់អោយរោមភ្នែកក្រាស់ជាងមុន អ្នកគួរប្រើម៉ាស្ការ៉ាពណ៌ស ទ្រាប់មួយសារសិន ទើបលាបដោយម៉ាស្ការ៉ាពណ៌ដែលត្រូវនឹងស្បែកអ្នកមួយជាន់ទៀត។
៦. សម្រាប់ ស្រ្តីមានភ្នែកតូចដូចជាកូនចៅចិន ក៏ដូចជាអ្នកដែលមានភ្នែកខ្មៅក្រិបនោះ អ្នកមិនគួរលាបម៉ាស្ការ៉ាទាំងលើ ទាំងក្រោមឡើយ គួរតែលាបត្រឹមតែចុងរោមភ្នែកបន្តិចបន្តួចបានហើយ។ ប៉ុន្តែសម្រាប់ស្ត្រីដែលមានភ្នែកធំៗ អ្នកអាចលាបម៉ាស្ការ៉ាបានទាំងលើនិងក្រោម។ ដោយឡែកចំពោះអ្នកដែលមានភ្នែកជិតគ្នា សូមណែនាំអោយលាបម៉ាស្ការ៉ា ត្រង់កន្ទុយភ្នែកអោយដិត ទាំងលើនិងក្រោម ដើម្បីអោយមើលទៅឃើញភ្នែកឃ្លាតពីគ្នាវិញ។
